तिजमा हाजिरिजवाफ़ र नृत्य प्रगतियोगिता सम्पन्न

संखुवासभा । पाँचखपन नगरपालिका ७ बिहिबारे बजारमा हरितालिका तीजको अवसरमा हाजिरिजवाफ़ र नृत्य प्रतियोगिता सम्पन्न भएको छ ।

७ न वडा कार्यालयको मुख्य प्रायोजन र महिला संजालको आयोजनामा गरिएको कार्यक्रम पाँचखपन नगरपालिकाका उप-प्रमुख सुमना श्रेष्ठले उत्घाटन गर्नु भएको थियो ।

बर्षौ देखि घरको काम र मेलापातमा ब्यस्त रहेका बिबाहित महिलाहरुको मनोरन्जन र चौतार्फी बिकाश हुने र यस्ता कार्यका लागी नगरपालिकाले आवश्यक परेमा सहयोग गर्ने श्रेष्ठले बताईंन ।

महिला दीदी बहिनीहरुको जोश जाँगर र उत्साह देखेर प्रत्येक बर्ष हरितालिका तीजको अवसरमा बिभिन्न कार्यक्रम गर्ने महिला संजालका अध्यक्ष सकून बस्नेतले बताईंन ।

कार्यक्रममा १३ वटा समूह हाजिरिजवाफ़ प्रतियोगितामा र १० वटा समूह नृत्य प्रतियोगितामा सहभागी भएका थिए । हाजिर जवाफ प्रतियोगितामा प्रथम, द्धितीय, तृतीय र सान्त्वना क्रमशः बस्नेत गाउँ टोल विकास संस्था, सुशासन टोल विकास संस्था बिहिबारे, सिर्जनशील टोल विकास संस्था र चौरे कुमाले याम्फे टोलविकास संस्थाले हात पारेका थिए भने नृत्य प्रतियोगितामा प्रथम, द्धितीय, तृतीय र सान्त्वना क्रमशः बिनिशा बिक, सृजन खाती, सृजन राई र करू परियारले हात पारेको आजको कार्यक्रम संचालक राजेश बस्नेतले जानकारी दिए ।

उक्त कार्यक्रममा हाजिरिजवाफ़ प्रतियोगिता तर्फ प्रथम, द्धितीय, तृतीय र सान्त्वनाले क्रमशः नगद रु. ६ हजार, ४ हजार, ३ हजार,र १५ सय पाएका छन भने नृत्य तर्फ नगद रु. ३ हजार, २ हजार, १५ सय र १ हजार पुरस्कार पाएका छन ।

हरितालिका तीज बिशेष कार्यक्रममा पाँचखपन नगरपालिका प्रमुख प्रशासकीय अधिकृत गणेशमान सिंह राई, पाँचखपन नगरपालिका वार्ड नम्बर ७ वडा अध्यक्ष सन्तोष बस्नेत, कृषि सेवा शाखा प्रमुख भक्तबहादुर श्रेष्ठ र समाजसेवी बुद्धिजीवी मानबहादुर श्रेष्ठ लगायत उपस्थित थिए । कार्यक्रम बिहिबारे बजारको प्राङ्गणमा संपन्न भएको थियो ।